51. (بیر داها) خاطره‌نیزه گتیرین کی، بیز موسایا (تور داغیندا وحی اوچون) قیرخ گئجه‌لیک وعده وئرمیشدیک. (او، تور داغینا گئدن‌دن) سونرا سیز بوزووو اؤزونوزه (تانری) قبول ائتدینیز و (بو حرکتینیزله تانری دان باشقاسینا عبادت ائتمکله) ظالم اولدونوز (اؤزونوزه ظلم ائتدینیز).
52. سونرا دا (توبه ائتدیگینیزه گؤره) سیزی عفو ائتدیک کی، بلکه، شوکور ائدسینیز.
53. (یادینیزا سالین!) بیز موسایا کیتاب (تؤورات) و (حاق ایله باطیلی بیر-بیرین‌دن فرقلن‌دیرن) فورقان وئردیک کی، بلکه، سیز دوغرو یولا یؤنلسینیز.
54. او واختی دا خاطیرلایین کی، موسی اؤز قومونه: ائی قوموم، سیز بوزووا سیتاییش ائتمکله، حقیقتن، اؤزونوزه ظلم ائتدینیز. بونا گؤره ده یارا‌دانینیزا طرف اوز توتا‌راق توبه ائدین، اؤزونوزو (بوزووو تانری بیلن آدام‌لارینیزی) اؤلدورون! بئله ائتمه‌نیز یارا‌دانینیزین یانیندا سیزین اوچون خئییرلی‌دیر! - دئمیشدی و تانری دا توبه‌نیزی قبول ائتمیشدی. البته، او، توبه‌لری قبول ائدن‌دیر، باغیشلایان‌دیر.
55. (و یادینیزا سالین کی) سیز: یا موسی، تانری-یاا آشکار صورتده گؤرمیینجه، هئچ واخت سنه اینانمایاجاغیق ،- دئدیگینیز زامان گؤزونوز گؤره- گؤره سیزی ایلدیریم وورموشدو.
56. بلکه، شوکور ائدسینیز دئیه، بیز سیزی اؤلومونوزدن سونرا یئنی‌دن دیریلتدیک.
57 (یادینیزا سالین کی، تیه صحراسیندا یاشادیغینیز زامان) اوستونوزه بولودلا کؤلگه سالدیق و: روزی اولا‌راق وئردیگیمیز حالال شئی‌لردن یئیین! (دئیه‌رک) سیزه قودرت هالواسی و بیلدیرچین گؤندردیک. اونلار (اجدادینیز) ایسه (اطاعت‌دن بویون قاچیرماقلا) بیزه دئییل، آنجاق اؤزلرینه ظلم ائتمیش اولدولار.
58. خاطیرلایین کی، (تیه صحراسین‌دان چیخان‌دان سونرا ) سیزه: بو کنده گیرین، بیندیگینیز یئرده، ایستدیگینیز شئی‌لری راحت‌لیقلا یئیین و بورانین قاپی‌سین‌دان (تانری-یاا) سجده ائدن حالدا هیتته! ( بیزی باغیشلا! ) سؤیله‌یه‌رک داخیل اولون، بیز ده گوناه‌لارینیزی باغیشلاریق. بیز یاخشی عمل ائدن‌لرین ثاوابینی (موکافاتینی) آرتیراجاغیق ، -دئمیشدیک
59. (اؤزلرینه) ظلم ائدن‌لر اونلارا دئییلن (امر اولونان) سؤزو باشقاسی ایله دییشدیردی‌لر ( بیزی باغیشلا معناسیندا ایشله‌دیلن هیتته سؤزونه گوله‌رک اونو بوغدا معناسیندا اولان هینته سؤزو ایله اوز ائتدی‌لر). بیز ده او ظالم‌لارا ائتدیک‌لری هاقسیزلیغا گؤره گؤی‌دن شدت‌لی عذاب گؤندردیک. . (یادینیزا سالین کی، تیه صحراسیندا یاشادیغینیز زامان) اوستونوزه بولودلا کؤلگه سالدیق و: روزی اولا‌راق وئردیگیمیز حالال شئی‌لردن یئیین! (دئیه‌رک) سیزه قودرت حالواسی و بیلدیرچین گؤندردیک. اونلار (اجدادینیز) ایسه (اطاعت‌دن بویون قاچیرماقلا) بیزه دئییل، آنجاق اؤزلرینه ظلم ائتمیش اولدولار.
60. یادینیزا سالین کی، موسی اؤز قومو اوچون سو ایستدیکده، بیز اونا: عصا داشا وور! –دئدیک. (او، عصا داشا ووران کیمی) اوندان (داش‌دان) اون ایکی چئشمه فیشقیردی، هر کس اؤز چئشمه‌سینی تانیدی. (سونرا اونلارا: ) تانری-نین وئردیگی روزی‌دن یئیین-ایچین، فقط یئر اوزونده اؤز حدینیزی آشا‌راق فساد تؤرتمیین! (سؤیلدیک).
61. خاطیرلایین کی، سیز (مویین مدت صحرادا قالما‌لی اولدوغونوز زامان): یا موسی! بیز (هر گون یئدیگیمیز) عینی تاما (قودرت هالواسین‌دان و بیلدیرچین اتین‌دن عبارت اولان یئمه‌یه) هئچ واخت دؤزمیجییک! رببینه دعا ائت کی، بیزیم اوچون تورپاغین بیتیردیگی شئی‌لردن تروزین‌دن، ساریمساغین‌دان، مرجیمیین‌دن و سوغانین‌دان یئتیرسین! – دئدینیز. (موسی دا جاوابیندا : ) سیز خئییرلی اولان شئی‌لری بو جور آلچاق شئی‌لرله دییش‌دیرمک ایستییرسینیز؟ (او حالدا) شهرلردن بیرینه گئدین، ایستدیگینیزی اورادا تاپارسینیز! – دئمیشدی. اونلارا زلیل‌لیک، میسکین‌لیک دامغاسی وورولدو و تانری-نین غضبینه دوچار اولدولار. بو (جزا) اونلارین تانری-نین آیه‌لرینی اینکار ائتدیک‌لرینه و (زکریا، یحیا و شوئیب کیمی) پیغمبرلری حاق‌سیز یئره اؤلدوردوک‌لرینه گؤره ایدی. بو اونلارین (تانری-یاا) آسی اولدوق‌لارینا و حدی آشدیق‌لارینا (تانری-نین امرلرینی پوزدوق‌لارینا) گؤره ایدی.
62. ایمان گتیرن‌لردن (موسلمان‌لاردان)، موسیوی (یهودی)، عیسوی (خریستیان) و سابیی‌لردن تانری-یاا، آخیرت گونونه (صداقتله) اینانیب یاخشی ایش گؤرن‌لرین موکافات‌لاری رببی‌نین یانیندا‌دیر. (قیامت گونو) اونلارین نه بیر قورخوسو اولار، نه ده اونلار بیر قم-قوصّه گؤررلر.
63. (ائی ایسرایل اوغول‌لاری!) سیزدن عهد-پئیمان آلدیغیمیزی و تور داغینی باشینیزین اوزرینه قالدیردیغیمیزی خاطیرلایین! (بیز: ) سیزه گؤندردیگیمیزی (تؤوراتی) مؤحکم توتون، ایچین‌دکی‌لری اونوتمایین کی، بلکه، پیس عمل‌لردن چکینسینیز - (دئیه امر ائتمیشدیک).
64. بون‌دان سونرا سیز (عهدینیزدن) دؤندونوز (اولجه عمل ائتدیگینیز تؤوراتا سونرا عمل ائتمدینیز). اگر سیزه تانری-نین یازیغی و رحمی گلمسیدی (توبه ائتمک اوچون مؤهلت وئریلمسیدی)، البته، (بؤیوک) ضرر چکن‌لردن اولاردینیز.
65. حقیقتده سیز بیلیرسینیز کی، ایچرینیزدن بعضی کس‌لر شنبه گونو (داوود زامانیندا شنبه گونو بالیق اووونون قاداغان ائدیلمه‌سی) حاقیندا اولان امردن کنارا چیخدی‌لار. بیز ده اونلارا: (زلیل و) هقیر مئیمون‌لار اولون! – دئدیک.
66. بیز بونو اونلارلا بیر دؤورده یاشایان‌لار و سونرا‌دان گلن‌لر اوچون عیبرت و موتتقی‌لردن اؤترو نصیحت اولسون دئیه ائتدیک.
67. یادینیزا گتیرین او واختی کی، موسی اؤز قومونه: تانری سیزه بیر اینک کسمه‌نیزی امر ائدیر! – دئدی. اونلار ایسه: بیزی مسخره‌یمی قویورسان؟ – دئدی‌لر . (موسی دا: ) تانری اؤزو منی جاهیل اولماق‌دان ساخلاسین! – دئدی.
68. اونلار دئدی‌لر: بیزدن اؤترو رببینی چاغیریب (رببینه دعا ائدیب) سوروش کی، او (اینک) نه جور اولما‌لی‌دیر؟ (موسی: ) تانری او اینیین نه چوخ قوجا، نه ده چوخ جاوان دئییل، بونلارین ایکی‌سی‌نین آراسیندا (دویه) اولدوغونو بویورور. سیزه امر اولونان شئیی یئرینه یئتیرین! –دئدی.
69. اونلار دئدی‌لر: بیزدن اؤترو رببینی چاغیریب سوروش، قوی اونون رنگینی ده بیزه بیلدیرسین . او دا جاوابیندا: (تانری) اونون توند ساری رنگ‌لی و گؤرن‌لره خوش گلن (بیر اینک) اولدوغونو بویورور ، دئدی.
70. اونلار (یئنه) سؤیله‌دی‌لر: بیزیم اوچون رببینه دعا ائت کی، اونون اصل صیفتینی بیزه بیلدیرسین، چونکی بیز (عمومیتله) اینک‌لری بیر-بیرینه بنزدیریک. اگر تانری ایسته‌سه (بیز کسیلمه‌سی امر ائدیلن او اینیی تاپار و بو مسئله بارهسینده)، البته، دوز یولدا اولاریق .
71. (موسی) دئدی: (رببینیز) بویورور کی، او (هئچ کسه) رام اولماییب بویوندوروق گؤتورمه‌ین، تارلا سورمه‌ین، اکین سووارمایان، عیب‌سیز-قوسورسوز و لکه‌سیز (ساپساری) بیر اینک‌دیر . (بو زامان) اونلار: ایندی ایشی حقیقته گتیریب چیخارتدین ، -دئدی‌لر و اونو (اینیی تاپیب) کسدی‌لر. اما آز قالمیشدی کی، بو ایشی یئرینه یئتیرمه‌سین‌لر.
72. یادینیزا سالین کی، سیز او زامان بیر نفری اؤلدوروب (اؤزونوزو تمیزه چیخارماق مقصدیله)، اونون (قاتی‌لی) بارهسینده موباهیسه ائدیردینیز. حال بوکی تانری گیزلتدیگینیزی ظاهره چیخاران‌دیر!
73. بئله اولدوقدا بیز: (کسیلمیش اینیین) بیر پارچاسینی اونا (قاتی‌لی بیلینمه‌ین اؤلویه) وورون! – دئدیک. (اونلار دا ووردولار و اؤلو دیریلدی). تانری (بوتون) اؤلولری بو قایدادا دیریلدر و سیزه اؤز مؤ’جوزه‌لرینی گؤسترر کی، آغلا گلیب (بونو) درک ائدسینیز.
74. بون‌دان (بو احوالات‌دان) سونرا قلب‌لرینیز یئنه سرتلشه‌رک داش کیمی، بلکه، داها دا قاتی اولدو. حقیقتن، بعضی داش‌لارین ایچری‌سین‌دن نهرلر آخار، بعضی‌سی یاریلیب ایچین‌دن سو فیشقیرار و بعضی‌سی ده تانری-نین قورخوسون‌دان (اوجا یئرلردن، داغ‌دان) یووارلانیب دوشر. تانری سیزین ائتدیک‌لرینیزدن، البته، قافیل دئییل‌دیر!
75. (ائی مؤ’مین‌لر!) ایندی اونلارین (یهودی‌لرین) سیزه اینانا‌جاق‌لارینا اومیدمی ائدیرسینیز؟ حال بوکی (موسی دؤورونده) اونلارین ایچه‌ری‌سینده ائله‌لری واردیر کی، تانری-نین کلامینی (تؤوراتی) دینله‌ییب آنلادیق‌دان سونرا، اونو بیله-بیله تحریف ائدیرلر.
76. (بو مونافیق‌لر) ایمان گتیرن‌لرله گؤروشدوک‌لری زامان: ایمان گتیردیک ،- دئییرلر. خلوتده اولدوق‌لاری واختدا ایسه بیری دیگرینه: تانری-نین (تؤوراتدا) سیزه بیلدیردیگی شئیی (موسلمان‌لارا) خبر وئریرسینیز کی، رببینیزین یانیندا اونلاری سیزه قارشی دلیل گتیرسین‌لر؟ (بونو) درک ائتمیرسینیزمی ؟ – سؤیلییرلر.
77. مگر اونلار بیلمیرلرمی کی، تانری اونلارین گیزلینده ده، آشکاردا دا نه ائتدیک‌لرینی بیلیر؟!
78. اونلارین (یهودی‌لردن) بعضی‌لری ده آوام‌دیرلار (بیساوات‌دیرلار)، کیتابی (تؤوراتی) بیلمزلر. اویدوق‌لاری یالنیز (بیر سیرا) بوش آرزولاردیر (خام خیال‌لاردیر). اونلار آنجاق ظننه قاپیلیرلار.
79. وای او کس‌لرین حالینا کی، اؤز اللری ایله (ایستدیک‌لری کیمی) کیتاب (تؤورات) یازیب، سونرا (اونون موقابیلینده) بیر آز پول آلماق‌دان اؤترو: بو، تانری طرفین‌دن‌دیر! - دئییرلر. اؤز اللری ایله (تحریف اولونموش کیتاب) یازدیق‌لارینا گؤره وای اونلارین حالینا! قازاندیق‌لاری شئی اوچون وای اونلارین حالینا!
80. اونلار (یهودی‌لر): جهنم اودو بیزه بیر نئچه گون‌دن آرتیق عذاب وئرمز –دئیرلر. (یا رسولوم!) اونلارا سؤیله: سیز تانری دان بئله بیر وعده آلمیسینیزمی؟ (اگر بئله‌دیرسه) تانری هئچ واخت اؤز عهدین‌دن دؤنمز. یوخسا تانری-یاا قارشی بیلمدیگینیزی سؤیلییرسینیز؟
81. بلی، گوناه قازانان و قازاندیغی گوناه‌لارا اهاته اولونان شخص‌لر جهنم‌لیک‌دیرلر و اورادا همیشه‌لیک قالا‌جاق‌لار.
82. ایمان گتیرن‌لر و یاخشی ایشلر گؤرن‌لر ایسه بئهیشت‌لیک‌دیرلر و اورادا ابعدی اولا‌جاق‌لار.
83. یادینیزا گتیرین کی، بیز بیر زامان ایسرایل اوغوللاریندان: تانری دان قئیری‌سینه عبادت ائتمیین، والیدئین‌لرینیزه، یاخین قوهوم‌لارینیزا، یئتیم‌لره، یوخسول‌لارا ائحسان (یاخشی‌لیق، یاردیم) ائدین، اینسان‌لارلا خوش دانیشین، ناماز قیلین، زکات وئرین! – دئیه عهد-پئیمان آلدیق. سونرا، آز بیر قیسمینیز موستسنا اولماقلا، عهدینیزدن دؤندونوز، چونکی سیز (ایسرایل اؤولادی حاق‌دان) اوز دؤندرنسینیز.
84. خاطیرلایین کی، یئنه بیر زامان سیزینله: بیر-بیرینیزین قانینی تؤکمیین، بیر-بیرینیزی یوردونوزدان چیخارمایین! – دئیه راضیلیغا گلدیک. سونرا سیز (همین عهد-پئیمانا) شاهید اولوب (اونو) تصدیق ائتدینیز.
85. (ائی یهودی‌لر!) سیز ائله آداملارسینیز کی، (بو عهددن) سونرا یئنه بیر-بیرینیزی اؤلدورور، اؤزونوزدن اولان بیر دستیا (طایفه‌یا) ظلم و دوشمنچی‌لیک ائتمک اوچون یاردیملشیب، اونلاری اؤز یوردلاریندان کنار ائدیرسینیز. اونلار (اؤزونوزدن اولان‌لار باشقا‌لارینا) اسیر دوشوب یانینیزا گلسه‌لر، فیدیه وئریب آزاد ائدیرسینیز. حال بوکی اونلاری (اؤز یوردلاریندان) چیخارتماق سیزه حرام ائدیلمیشدی. آیا، سیز کیتابین (تؤوراتین) بیر حیسه‌سینه اینانیب، دیگر قیسمینی اینکار ائدیرسینیز؟ سیزلردن بو جور ایشلر گؤرن‌لرین جزاسی دونیادا یالنیز روسوای اولماق، قیامتده ایسه ان شدت‌لی عذابا دوچار اولماق‌دیر. تانری ائتدیک‌لرینیزین هئچ بیرین‌دن قافیل دئییل‌دیر.
86. اونلار (یهودی‌لر) آخیرتی دونیا حیاتینا ساتان کیمسه‌لردیر. بونا گؤره ده اونلارین نه عذابی یونگوللشر، نه ده اونلارا یاردیم اولونار.
87. (ائی ایسرایل اؤولادی!) بیز موسایا کیتاب (تؤورات) وئردیک، اوندان سونرا دا بیر-بیری‌نین آردینجا پیغمبرلر گؤندردیک. مریم اوغلو عیسییا آشکار مؤ’جوزه‌لر (دلیل‌لر) بخش ائتدیک و اونو موقددس روحلا (جبرایلله و یا ایسمی-عظمله) قووتلندیردیک. هر دفعه سیزه اوریینیزه یاتمایان بیر شئی (امر، بویوروق) گتیرن پیغمبره تکببور گؤسترمیردینیزمی؟ محض بونا گؤره ده اونلارین بیر قیسمینی تکذیب ائتدینیز، بیر قیسمینی ایسه اؤلدوردونوز (زکریا و یا یحیا کیمی).
88. (یهودی‌لر قرآنی آنلاماق و قبول ائتمک بارهسینده) دئدی‌لر: بیزیم قلب‌لریمیز اؤرتولودور (پرده‌لی‌دیر) . (لاکین بو هئچ ده بئله دئییل‌دیر). عکسینه، تانری اونلارا کوفرلرینه گؤره لعنت ائلمیش‌دیر. بونا گؤره ده اونلارین آنجاق آز بیر حیسه‌سی (ابن سلام و یولداش‌لاری کیمی) ایمان گتیرر.
89. اونلارا تانری طرفین‌دن اللریندکینی (تؤوراتی) تصدیق ائدن بیر کیتاب (قرآن) گؤندریلدیگی زامان (اونو قبول ائتمه‌دی‌لر). حال بوکی اولجه (محمّددن قاباق) کافیرلره (عرب موشریک‌لرینه) قلبه چالماق اوچون ( تؤوراتدا آدی چکیلن آخیروززمان پیغمبر گلیب بیزه یاردیم ائدیدی! - دئیه تانری-یاا) یالواریردی‌لار. بیلدیک‌لری (پیغمبر) گلدیکده ایسه، (پاخیل‌لیق ائدیب) اونا اینانمادی‌لار. تانری کافیرلره لعنت ائله‌سین!
90. تانری-نین اؤز قوللاریندان ایستدیگی شخصه لوطف ائتمه‌سینه (پیغمبرلیک وئرمه‌سینه) حسد آپارماق، اونون گؤندردیگینی (قرآنی) اینکار ائتمکله (یهودی‌لرین) ویجدان‌لارینی ساتما‌لاری نه قدر ده پیس‌دیر! بونونلا اونلار (اؤزلرینه قارشی) تانری-نین غضبی اوستونه بیر غضب ده آرتیردی‌لار. کافیرلری زلیلئدیجی عذاب گؤزله ییر!
91. اونلارا: تانری-نین نازیل ائتدیک‌لرینه (اینجیله و قرآنا) اینانین! – دئییلدیکده، اونلار: بیز اؤزوموزه گؤندری‌لنه (تؤوراتا) اینانیریق ، -دئیه‌رک، اوندان باشقاسینی (سونراکینی) اینکار ائدیرلر. حال بوکی او (سونرا گؤندریلن قرآن) اونلارین اللرینده اولانی (تؤوراتی) تصدیق ائدن بیر حقیقت‌دیر. (یا رسولوم!) اونلارا سؤیله: اگر سیز اینانان کسلرسینیزسه، بس نه اوچون اول‌لر تانری-نین پیغمبرلرینی اؤلدوروردونوز؟
92. موسی سیزه آچیق-آیدین دلیل‌لر (مؤ’جوزه‌لر) گتیرمیشدی. سیز ایسه اونون آردینجا (موسی تور داغینا گئتدیک‌دن سونرا) بوزووا سیتاییش ائده‌رک (اؤزونوزه) ظلم ائتدینیز.
93. یادینیزا سالین او واختی کی، بیز سیزدن عهد آلیب، تور داغینی باشینیزین اوستونه قالدیرمیش و: سیزه وئردیگیمیزدن (تؤورات‌دان) مؤحکم یاپیشین، (اورا‌داکی حؤکم‌لری) ائشیدین! (دئمیشدیک). اونلار (سیزین آتا-بابا‌لارینیز) ایسه: ائشیتدیک و (او حؤکم‌لره) قارشی چیخدیق (عمل ائتمدیک)! – دئدی‌لر. چونکی کوفرلری اوزون‌دن بوزووون محببتی قلب‌لرینی بوروموشدو. (یا رسولوم!) اونلارا دئ: اگر ایمان گتیرمیسینیزسه، ایمانینیزین سیزه بئله امر ائتمه‌سی نئجه ده پیس‌دیر!
94. (یا رسولوم!) سن اونلارا (یهودی‌لره) دئ. اگر (سیزین ادعانیزا گؤره) تانری یانیندا آخیرت ائوی (جننت) باشقا اینسان‌لارا دئییل، یالنیز سیزه مخصوص‌دورسا و اگر سیز (بونو) دوغرو دئییرسینیزسه، اوندا (تانری دان) اؤلوم ایستیین! (چونکی جننتین یالنیز اؤزونه عاید اولدوغونو ادعا ائدن کیمسه اونا قوووشماگا سبب اولان اؤلومو موطلق آرزولایار).
95. (البته) اونلار اؤز عمل‌لرینی بیلدیک‌لرینه گؤره اؤلومو اصلا ایستمزلر. تانری ظالم‌لاری تانییان‌دیر!
96. سن اونلاری (یهودی‌لری) بوتون اینسان‌لاردان، حتی موشریک‌لردن ده داها آرتیق یاشاماغا حریس گؤررسن. اونلاردان هر بیری ایستر کی، مین ایل یاشاسین، حال بوکی (اوزون عؤمور ائتمک) اونلارین هئچ بیرینی آخیرت عذابین‌دان اوزاقلاشدیرماز. تانری اونلارین نه ائتدیک‌لرینی گؤرن‌دیر!
97. (یا رسولوم!) جبرایله دوشمن اولان کیمسه‌یه دئ کی، اونو (قرآنی) اؤزون‌دن اوولکی‌لری (تؤوراتی و اینجی‌لی) تصدیقلییجی، مؤ’مین‌لر اوچون ایسه هیدایت و موژده چی اولا‌راق تانری-نین ایزنی ایله سنین قلبینه او نازیل ائتمیش‌دیر.
98. هر کیم تانری-یاا، اونون ملک‌لرینه و پیغمبرلرینه، جبرایله و میکایله دوشمن‌دیرسه، شوبهه‌سیز، تانری دا (بئله) کافیرلره دوشمن‌دیر.
99. (یا رسولوم!) بیز سنه (ائحکامی بیل‌دیرن، حالال و حرامی آییران) آچیق-آیدین دلیل‌لر گؤندردیک، اونلاری یالنیز فاسیق‌لر اینکار ائدرلر.
100. (یهودی‌لر) هر دفعه عهد باغلادیق‌لاری زامان اونلارین بیر قیسمی اونو پوزمادیمی؟! اونلارین، بلکه ده، چوخو (تؤوراتا) اینانمیر.
